Sertifikatlaşdırılmanın yekunlaşdırılması, idarəetmə sisteminə uyğunluq sertifikatının verilməsi və qeydiyyata alınması

 

       Auditor qrupunun işi o vaxt yekunlaşmış sayılır ki, auditin planına uyğun bütün işlər yerinə yetirilsin və auditin nəticələri üzrə hesabatı tərəflər imzalasınlar.

     Bütün planlaşdırılmış korreksiyaedici tədbirlərin yerinə yetirilməsinin effektivliyi yoxlanılmadığı halda idarəetmə  sisteminin sertifikatlaşdırılması yekunlaşmış hesab edilə bilməz.

      Auditə aid olan sənədlər sertifikatlaşdırma orqanının qaydalarına və qüvvədə olan qanunvericiliyin, normativ sənədlərin  və müqavilələrin tələblərinə uyğun saxlanılır.

      Sertifikatlaşdırma orqanının rəhbərliyi və auditor qrupu, yoxlanılan təşkilatın (sifarişçinin) razılığı olmadan audit zamanı əlavə edilmiş sənədləri və digər informasiyaları, həmçinin auditin nəticələri üzrə hesabatı hər hansı bir digər tərəfə açıqlamamalıdırlar.

    İdarəetmə sisteminin müəyyən edilmiş tələblərə uyğunluğu (uyğunsuzluğu) haqqında qərarın qəbulu üçün meyarlar, razılaşdırılmış müddətdə yoxlanılan təşkilatın korreksiyaedici tədbirlərinin yerinə yetirilməsi (yerinə yetirilməməsi) və sertifikatlaşdırma orqanı tərəfindən onların effektivliyinin təsdiq edilməsidir (edilməməsidir).

    İdarəetmə sisteminə uyğunluq sertifıkatının verilməsi və ya imtina edilməsi haqqında qərar, auditin və korreksiyaedici tədbirlər planının yerinə yetirilməsi nəticəsində sertifikatlaşdırma orqanının rəhbərliyi tərəfindən qəbul edilir.

        Sertifikatın verilməsi haqqında qərar yalnız bütün qeyd olunmuş uyğunsuzluqlar aradan qaldırıldıqdan sonra, daha doğrusu sertifikatlaşdırma orqanının yoxlanılan təşkilatın korreksiyaedici tədbirlərin yerinə yetirilməsinin yazılı hesabatlarına baxıldıqdan sonra və/və ya korreksiyaedici tədbirin yerinə yetirilməsinin nəticələrinə yerində baxıldıqdan sonra qəbul edilə bilər.

İdarəetmə sisteminə uyğunluq sertifikatının verilməsindən imtina edildikdə sertifikatlaşdırma orqanı müqavilə əsasında auditin təkrar keçirilməsinin mümkünlüyü haqqında yoxlanılan təşkilatı məlumatlandırır.

 Qeyd - Bütün təkrar audit (yoxlanılan təşkilata gəlmək) və auditorların ezamiyyət xərcləri yoxlanılan təşkilat (sifarişçi) tərəfindən idarəetmə sisteminin sertifikatlaşdırılmasına ayrılan vəsaitdən əlavə ödənilir.

 

      Sertifikatlaşdırma auditinin nəticələrinə əsasən, uyğunsuzluqların aradan qaldırılması üzrə korreksiyaedici tədbirlərin yerinə yetirilməsinə nəzarət.

         Müəyyən edilmiş uyğunsuzluqlar üzrə korreksiyaedici tədbirlərin yerinə yetirilməsinə nəzarət yoxlanılan təşkilatın uyğunsuzluqları aradan qaldırılması haqqında yazılı hesabatını aldıqdan sonra sertifıkatlaşdırma orqanı tərəfindən planlaşdırılır və həyata keçirilir. Bunun üçün təkrar audit keçirilə bilər.

        Əhəmiyyətli uyğunsuzluqlar üzrə korreksiyaedici tədbirlərə sertifikatlaşdırma orqanının auditorunun  (auditorlarının)  mütləq  yoxlanılan  təşkilata  gəlməsi ilə  nəzarət  edilir. Az əhəmiyyətli uyğunsuzluqlar üzrə korreksiyaedici tədbirlər nəzarəti yerinə yetirmək üçün  «yerində yoxlama mütləq tələb olunmursa,  yoxlanılan təşkilatın yazılı hesabatının baxılmasına razılıq verilir.

       Audit zamanı korreksiyaedici tədbirlərin  yerinə yetirilməsinə nəzarət məqsədilə auditor   korreksiyaedici tədbirlərin  faktiki  tətbiqini və effektivliyini yoxlayır.

       Əgər uyğun obyektiv dəlillər olduğu zaman uyğunsuzluqların aradan qaldırılması qeyri-kafi qiymətləndirilsə, onda idarəetmə sisteminin auditinin nəticələri və qiymətləndirilməsi üzrə mənfi qərar qəbul edilir və idarəetmə sisteminə sertifikatlaşdırma orqanı tərəfındən sertifikatın verilməsindən imtina edilməsi haqqında təşkilat məlumatlandırılır.

   İdarəetmə sisteminin uyğunluq sertifikatının tərtib olunması üçün  Sertifikatlaşdırma üzrə orqan müsbət qərar verdikdə, idarəetmə sisteminin uyğunluq sertifikatı qəbul edilmiş nümunə əsasında tərtib edilməlidir (Əlavə1).

    Uyğunluq sertifikatında aşağıdakı məlumatlar öz əksini tapmalıdır:

 

• sertifikatlaşdırılan təşkilatın adı və yerləşdiyi coğrafi məkan (təşkilatın sertifikatlaşdırılması sahəsinə daxil olan ayrı-ayrı istehsal sahələrinin və ofislərinin yerləşdiyi coğrafi məkan) ;

• sertifikatlaşdırma haqqında qərarın qəbul edildiyi tarixdən əvvəl olmaması şərti ilə, sertifikatlaşdırmanın, sertifikatlaşdırma sahəsinin genişləndirilməsi və ya məhdudlaşdırılması və ya yenidən sertifikatlaşdırılması tarixi;

• sertifikatın qüvvədə olma tarixi (yenidən sertifikatlaşdırma tarixi);

• fərdi (təkrar olunmayan) identifikasiya nömrəsi;

• sertifikatlaşdırılan sifarişçinin auditində istifadə olunan, idarəetmə sistemi standartı və ya digər normativ sənəd (nəşr tarixi və nömrəsini göstərməklə);

• anlaşılmamazlığı və ya birmənalılığı təmin etmək şərtilə, hər istehsal sahəsinin fəaliyyət növü ilə əlaqəli məhsullar və xidmətlər üzrə sertifikatlaşdırma sahəsi;

• sertifikatlaşdırma orqanının adı, ünvanı və uyğunluq nişanı; həmçinin, anlaşılmamazlığı və ya birmənalılığın pozulmaması şərtilə, digər nişanlar (akkreditasiya orqanının nişanı, sifarişçi təşkilatın loqosu) da istifadə oluna bilər;

• sertifikatlaşdırma üçün istifadə edilən standart və ya digər normativ sənədin tələb etdiyi hə hansı digər məlumatlar;

• dəyişikdirilmiş hər hansı sertifikat (sertifikatlaşdırma haqqında sənəd) verildiyi halda, dəyişikdirilmiş sertifikatı əvvəllər ləğv edilmiş sertifikatdan fərqləndirən işarə.

 

 

                      

      

​

​